ਯਾਰਾ ਮਸਜਿਦ ਮੰਦਰ ਦੇਖ
ਰੱਬ ਖ਼ੁਦਾ ਕਿਸ ਅੰਦਰ ਦੇਖ
ਸਭ ਕੁਝ ਕਾਜ਼ੀ ਪੰਡਤ ਹੱਥ,
ਕੈਦ 'ਚ ਪੀਰ ਪਗੰਬਰ ਦੇਖ
ਬੋਲ ਰਿਹਾ ਜੋ ਸੁੱਚੇ ਬੋਲ,
ਮੈਲ ਪੁਜਾਰੀ ਅੰਦਰ ਦੇਖ
ਮਿਹਨਤਕਸ਼ ਨੇ ਭੁੱਖੇ ਪੇਟ ,
ਵਿਹਲੜ ਛਕਦਾ ਲੰਗਰ ਦੇਖ
ਪੈਸੇ ਵਾਲੇ ਦਾ ਹੈ ਨਾਮ ,
ਲੱਗਾ ਜੋ ਸੰਗਮਰਮਰ ਦੇਖ
ਲਹਿਰਾਂ ਦਾ ਕੀ ਹੁੰਦਾ ਸ਼ੋਰ,
ਦਰਿਆ ਦੇਖ ਸਮੰਦਰ ਦੇਖ
ਬਣਕੇ ਹਿੰਦੂ ਮੁਸਲਿਮ ਸਿੱਖ,
ਰਚਦੇ ਲੋਕ ਅਡੰਬਰ ਦੇਖ
ਨੀਵਾਂ ਰਹਿ ਪਰ ਉੱਚਾ ਸੋਚ,
ਉੜਦੇ ਪੰਛੀ ਅੰਬਰ ਦੇਖ
ਦੇਵੇ ਤੈਨੂੰ ਜੀਵਨ ਜਾਚ ,
' ਮਹਿਰਮ ' ਐਸਾ ਰਹਿਬਰ ਦੇਖ
No comments:
Post a Comment